Klassifisering av oppdrettslokalitet (berekning av miljølaster)

Alle miljøundersøkingane vert gjort i samsvar med Norsk Standard 9410:2007 (MOM-systemet) som deler undersøkingane inn i tre hovudkategoriar;  B og C undersøkingar. Sub Aqua Tech kan utføre undersøkingar i alle desse kategoriane.

MOM-B
er ein enkel "trendovervaking" av botntilhøva under eit oppdrettsanlegg. Undersøkinga kombinerer mange parameter og blir difor mindre følsam ovanfor avvik i dei einskilde av desse. Metoden er svært effektiv for å følgje utviklinga av miljøbelastninga under anlegget. Med regelmessige MOM-B undersøkingar kan ein dermed unngå overbelastning som eit resultat av for mykje biomasse i høve til resipientkapasiteten. Etter at undersøkinga er ferdig vert det laga ein rapport med skildring av miljøtilstanden under anlegget, topografisk botnkart, kart over anlegget med prøvetakingsstader avmerka og alle skjema som vert utfylt i samband med undersøkinga (standard skjema i høve til NS 9410:2007).

Bildet ovanfor syner feltarbeid på stålanlegg i samband med MOM-B undersøking

Bilda ovanfor syner feltarbeid frå RIBen i samband med ei MOM-B undersøking

MOM-C
er undersøking av botntilhøva frå anlegget (nærsona) og utover i resipienten (fjærnsona). MOM-C går i hovudtrekk ut på undersøking av dyrelivet i botnsedimentet (etter NS 9423) der miljøtilstand blir klassifisert ut frå vurdering av artsmangfald og artssamansetning i prøvene. I tillegg blir det gjort diverse kjemiske og hydrologiske undersøkingar på lokaliteten som tilleggsparameter for vurdering av miljøtilstand. Undersøkinga gjev meir inngåande kunnskap om den generelle miljøtilstanden i fjern- og overgangssona inn mot nærsona til eit oppdrettsanlegg. Resultatet frå undresøkinga vert presentert i ein rapport som inneheld alle originaldata og ei samanfattande vurdering (gjennomføring av undersøkinga vert gjort i høve til retningslinjene i NS 9410, NS 9420, NS 9422 og NS 9423).

Lokalitetsklassifisering:
I samband med den nye forskrifta om krav til teknisk standard ved oppdrettsanlegg (som gjeld frå 1. januar 2004), er det også stilt krav om klassifisering av eksisterande og nye lokalitetar i høve til NS 9415. Sub Aqua Tech AS tar på seg å utføre slike lokalitetsundersøkingar som i korte trekk går ut på innsamling av data om miljølaster på lokaliteten (straum, vind og bølgjer) for ein 50 års returperiode, og med basis i dette klassifisere og kategorisere lokaliteten i høve til NS 9415. Desse opplysningane vert så brukt ved berekning av krav til fortøyingar, flåte, flytekragar, notposer etc.

Sub Aqua Tech AS har elles utstyr (straummålarar av type SD-6000) til å foreta straummålingar på oppdrettslokalitetar i høve til standard prosedyrar utarbeidd av Fiskeridirektoratet.