Navigation

Linkar

Fotogalleri

Botnkart

Nytt i 2009!
Sub Aqua Tech AS har konstruert og bygd ein såkalla USV (Unmanned Surface Vehicle) for kartlegging av djup (batymetri) i samband med utarbeiding av botnkart. Farkosten er radiostyrt og har ei rekkevidde på inntil 1000 meter og ein driftstid på meir enn 4 timar. For posisjonering og lodding vert det nytta eit standard Garmin 525s (GPS/ekkolodd). Farkosten kan enkelt sjøsettast og klargjerast av ein mann aleine i løpet av 10-15 minutt.

Dette utstyret er tenkt brukt til kartlegging og innsamling av data i skjerma farvatn (hamner, pollar, dammar etc.) og i særskilt sårbare område då den er relativt liten og stillegåande. Sjå elles bileter og video nedanfor.

Eit vidare prosjekt med denne farkosten er med tid å stunder å gjere den autonom. Det betyr at den automatisk styrer etter eit på førehand planlagt tokt eller mønster.

For å gje betre kvalitet på våre tenester investerte Sub Aqua Tech våren 2006 i eit avansert program for utvikling og presentasjon av botnkart. Programmet er av type Cfloor  www.cfloor.no versjon 6.3.4. Vi kan med hjelp av dette programmet i kombinasjon med ekkolodd og GPS lage elegante og informative botnkart i 2D og 3D med høg grad av kvalitet og presisjon.

Vi kan til dømes legge inn fortøyningane i programmet og med 3D presentasjon betre vurdere risikoen for gnag og slitasje frå andre fortøyingar, botn etc.

Karta kan presenterast i 2D og 3D med fargar og kotar etter valfri ekvidistanse.