|
|
Daglig leiar og innehavar er Eivind Aarseth som har bakgrunn frå oppdrettsnæringa og har tidlegare arbeidd som Fiskerirettleiar i Askvoll og Hyllestad (1992 - 2000). Sub Aqua Tech vart etablert som enkeltmannsforetak 1. april 2000 og 9. juni 2007 omdanna til aksjeselskap. Verksemda sine tenester er i første rekkje retta mot oppdrettsnæringa, men vi kan ta oppdrag ( til dømes innan inspeksjon under vatn) for kven som helst.
|
|
 |
|
| Sub Aqua Tech AS har tru på framtida og i samband med dette investert i ein ny arbeidsbåt for betre arbeidstilhøve og meir avanserte arbeidsoppgåver, særleg i samband med kartlegging av botn og ROV oppdrag. Båten er av type Beneteau Antares 650 (sjå illustrasjonsbilete ovanfor) med 90 hk Suzuki utstyrt med to styreposisjonar, ein avansert ekkoloddsvingar for batymetri ned til 600 meter djup m.m. Båten er stasjonert i Askvoll men kan om naudsynt slepast på hengar for eventuelle oppdrag andre stader i landet. | |
 |
Verksemda disponerer to fjernstyrte undervassbåtar (ROV) med fargevideokamera som gjev videofilm med høg kvalitet. Desse kan nyttast til inspeksjon av merdar, fortøyingar, tilhøva på botn, båtskrog under vatn (sinkanodar, propellar osv.) og ein rekkje andre oppgåver. Alle opplysningane filma med ROV vert spelast inn på digitalt videoband, direkte på DVD eller harddisk (som dokumentasjon) i lag med informasjon om dato, klokkeslett, djupne, kompasskurs m.m. Alt utstyr som vert nytta ved oppdrettsanlegg vert etter bruk desinfisert med Virkon S eller andre liknande godkjente desinfeksjonsmiddel i høve til tilrådde prosedyrar.
|
 |
|
 Klikk
for større bilete |
Bilete til venstre syner ein radiostyrt farkost (USV) for kartlegging av djupne (batymetri) m.m. konstruert og bygd av Sub Aqua Tech AS. Dette er ei prototype, men kan likevel nyttast til kommersielle oppdrag. Til dømes i samband med kartlegging i hamner, særskilt sårbare områder, dammer m.m. Sjå elles meir informasjon om dette på sidene om botnkart. |
